Studenti studijskog programa Biljna proizvodnja u posjeti kompaniji ‘’Naše voće’’

U sklopu nastavnih aktivnosti na predmetu Praktična obuka I i grupe predmeta iz oblasti voćarstva, studenti II godine studijskog programa Biljna proizvodnja posjetili su 19. maja novopodignute savremene voćnjake i pogone kompanije ‘’Naše voće’’ u Župi, u Nikšiću. Kompanija „Naše voće”,  sa kojom Fakultet ima dugogodišnju uspješnu saradnju, na 35 ha plantažnog zasada uzgaja dominantno jabuku i oko 900 stabala oblačinske višnje. Direktor proizvodnje, mr Đorđe Malidžan, inače student prve generacije upisane na naš Fakultet, predstavio je sisteme uzgoja i objasnio rezidbu koja se tih dana završavala. Studenti su obišli i prerađivačke kapacitete ove kompanije gdje ih je glavni tehnolog Lidija Bojović upoznala sa tehnologijama proizvodnje voćnih sokova i džemova.