Završeno testiranje i MNK Brotnjo u Čitluku
Nakon testiranja prvaka Premijer futsal lige Bosne i Hercegovine, F.C. Mostar SG Staklorad, u Mostaru, profesori Fakulteta za sport i fizičko vaspitanje Univerziteta Crne Gore su nastavili sa antropometrijskim testiranjem igrača MNK „Brotnjo“ u Čitluku.
Sportiste su testirali prof. dr Duško Bjelica, mr Jovan Gardašević i Marina Vukotić sa Fakulteta za sport i fizičko vaspitanje UCG, kao i prof. dr Marin Ćorluka, sa Fakulteta prirodoslovno-matematičkih i odgojnih znanosti Sveučilišta u Mostaru.
„Sa ova dva kluba, u Mostaru i Čitluku, nastavljamo dalje regionalno antropometrijsko mjerenje klubova malog fudbala u cilju prikupljanja baze podataka za dalja naučna istraživanja. Sa druge strane, ovaj sveobuhvatni postupak daje širu sliku sportistima – šta treba promijeniti, na šta se fokusirati, a gdje je već ostvaren napredak“, kaže mr Jovan Gardašević.
Povezana vijest: Antropometrijski testirani prvaci Premijer futsal lige BiH