Novi nastavni plan i program Fakulteta političkih nauka Univerziteta Crne Gore

Na Fakultetu političkih nauka akademske master studije Medijske studije i novinarstvo traju dvije godine (120 ECTS kredita). Nakon odslušanih ispita i odbranjenog rada, student dobija diplomu akademskih master studija (MSc) – sa nazivom studijskog programa.

Studijski program Medijske studije i novinarstvo na master studijama nudi uravnoteženu kombinaciju teorijskih i praktičnih znanja i specifičnih vještina.  Predmeti su usmjereni ka izučavanju teorija medija, osnova medijskog prava, komunikacijskih sistema, analizu i primjenu novinarskih znanja u proizvodnji sadržaja u multimedijalnom kontekstu, ka poznavanju, razumijevanju i primjeni metoda istraživanja medijskog teksta i upotrebi medijskog jezika. Posebno mjesto u programu imaju praktikumi kroz koje studenti stiču vještine i praksu u području medijske proizvodnje i u empirijskim istraživanjima.