Kadeti i omladinci aktuelnog prvaka BiH na testu
Profesori Fakulteta za sport i fizičko vaspitanje Univerziteta Crne Gore testirali su kadete i omladince HSK Zrinjski iz Mostara, aktuelnog prvaka premijer lige Bosne i Hercegovine.
Antropometrijska mjerenja fudbalera obavili su prof. dr Duško Bjelica, mr Jovan Gardašević, mr Ivan Vasiljević i prof. dr Marin Ćorluka sa FPMOZ Sveučilišta u Mostaru.
Tetsiranje će pokazati kod kadeta i omladinaca procentualne vrijednosti potkožnih masti i mišićne mase, rezultate parametara metabolizma i segmentne analize pojedinih djelova tijela.
„Morfološka dijagnostika najvažniju ulogu ima kod mladih sportista jer i najmanja greška u trenažnom procesu i neracionalna doziranost može uticati na pravilan rast i razvoj organizma. U navedenom uzrastu posebno je važno sprovoditi inicijalna, tranzitna i finalna mjerenja mladih sportista“, naglasio je profesor Bjelica.
Mjerenjima su prisustvovali rukovodilac nogometne škole HSK Zrinjski iz Mostara Dragan Perić i treneri kadeta i omladinaca Elvis Margeta, Draženko Bogdan i Nenad Gagro.
https://www.ucg.ac.me/objava.php?blog_id=1259&objava_id=45348
