Dopis fakultetima: Jednakost u svetkovanju vjerskih praznika

Prorektor za nastavu Univerziteta Crne Gore prof. dr Veselin Mićanović uputio je dopis dekanima i prodekanima fakulteta UCG da se uvaži zakonom propisano pravo na svetkovanje vjerskih praznika i studentima, koji za to podnesu zahtjev, omogući provjera znanja van termina planiranih Akademskim kalendarom, ukoliko se termini poklapaju sa vjerskim praznicima.

“Preporučujemo da u procesu planiranja predispitnih i ispitnih obaveza tokom semestra, nastavno osoblje planira i zakazuje iste u dogovoru sa studentima kako bi omogućili svim studentima pravo na svetkovanje vjerskih praznika.

Ovim pristupom omogućava se svim studentima da pristupe ispitima i provjerama znanja u stanju spremnosti, koje nije  umanjeno obavezama  koje proizlaze iz njihovih vjerskih praksi i time se osigurava pravednost  i jednak pristup za sve“, stoji u dopisu prorektora.